طيب انا بقولكم على موقف صارلي....بس ها لاتضحكون علي طيب؟؟؟؟
ههههههههههههههه

طال عمركم مرة من المراريت نزلنا انا واخوي الصغير ((عمرة 6 سنوات ))الحوش..وانا كنت توني مخلصه ترويش ولمن نزلنا الحوش ربطت شعري كعكة عشان مايتوسخ من التراب وكنت ساعتها لابسة بنجابي...

المهم وانا قاعدة العّب اخوي طاح هو على التراب وانا قعدت انفضله ((كان باب الحوش الرئيسي شبه مفتوح يعني مردود))عاد وارفعلكم راسي ومااشوف الا ذاك الرجال قدامي لاوبعد بقوات عين يقولّي رحوي نادي لي فلان << فلان = اخوي

وانا قاعدة اطالع في وجهه متنحة وش ذا اللي قدامي..قام صارخ وقال لي روحي نادي لي فلان قمت قلتله نعم قاللي والله العظيييييييم ماناقص غير الشغالات يراددون فينا<< تخيلوا يعتقد اني شغالة حسبي الله عليه ههههههههههههههه

وبعدين انا من التناحة الزايدة اللي فيني طرت طيراااااان بسرعة 220 على البيت وهو ماشاف الا غبار ورايه ...ههههههههههه
وخليته ملطوع تحت مثل السواقين ولا قلت لاخوي <<خله محد قاله يقول عني شغاله<<تراني حاقدة عليه للحين ههههههههههههههههههه
وهو دبر نفسه واتصل على اخوي عشان ينزله

وبعد مانزل اخوي هالشين وبقوات عين يقول لاخوي انتوا ليش شغالتكم خبلة ولاتفهم .. لي ساعة اقولها نادي لي فلان ولا تروح ..اخوي قاله احنا شغالتنا مسافرة لها اسبوعين وفجأه اخوي طاح على الارض من كثر الضحك لانه شافني وانا طالعة اجري بسرعة 220 وفهم كل السالفة وقال للخبل ان هذيك اختي مو الشغاله..وقعد هالدلخ يعتذر من اخوي ساعة ويقوله اعتذرلي منها وماكنت اقصد <<ياحسرة بعد وشو ماتقصد...

وبسسسسسسسسسسس هذي سالفتي مع هالسواق ههههههههههههههههه
واذا تبغون مواقف بعد من عيوني ماتطلبون<<ياكثر المواقف اللي طاحت فيها

وآسفة على اني طولت .....ومشكوووووووور اخوي سامي على الموضوع الحلو وترا هذا الموضوع من احلى المواضيع في هالمنتدى....

تحياتي والسموحة منكم مرة ثانية

صقرة