السلام عليكم

من منا لا يعرف روعة معاني البحر وجماله!

فهناك من اعتبره الطبيب

وهناك من اعتبره الصديق الكتوم

وهناك من خصه بالغدر،

وهناك ايضا معاني كثيرة تختلف باختلاف الانسان لإنسان آخر...

الراحة،

الرومانسية،

الهدوء والاسترخاء

مصدر من مصادر الألهام في الحياة...


والسؤال هو:

ماذا يعني لكــــــم البـــــــــحــــر..........؟

والله ياكيوده شو أقولك
انا نادر اروح البحر مع انه فيه بحر بديرتي
لو تساليني شو يعني لك البر والصحراء والجبال ممكن اجاوب
بس البحر ماعندي أجابه

مستحيل يمر اسبوع ومآروح البحر
أعشقه واعشق اموآجه
أعشق غدرهـ وقوته وهيجآنه
رقته وهدوءهـ وكتمآنه
البحر عآلمـ ثآني
عآلمـ مآيفهمه الا من دخله وعآشه
عآلمـ كل حزين كل مجروح
مآيطبطب عليهم الا البحر
مآينسيهم جرآحهم الا اموآجه
بـ لمعة قطرآته يبث الامل بالنفس
يجعل الرآحه والسكون تسري بالقلب


يآبحـر ..
فيني من الحزن كثر مآفيكـ ..

من حزن .. وأوجآع .. وغيآب .. وغرآيب !!

لآتلومني إليا شفتني دآيم أجيكـ ..

ولآشفتني دآيم على الشط ذآيب !!

حزني كبير .. أكبر من حدود شآطيكـ ..

وأقسى من جروح الزمآن العطآيب !!

وإن كآن تنشدني فـ أنـآ مـآقدر أخفيكـ ..

دآيم اظن .. ويطلع .. الظن .. خآيب !!

في هالزمن ..
أقرب حبآيبك .. يشقيكـ ..

إلين تدفع في غلآهـ الضرآيب !!

من بعد هذآ ..
يبتعد عنكـ .. ويجفيكـ ..

مآ كنه بجنبك قضى الوقت طآيـب !!

ولآ .. الـخوي اللي توقعت يـفديكـ ..

يفديك عمرهـ .. لآغدت بك نشآيب !!

صد ..
وتصدد ..
مآيبي سمع طآريكـ ..

ويآمآ أنت دونه أتعبتك الطلآيب !!

لآتقـول لي ..
بدري .. وتوك .. ويمديكـ ..

تعآل ..
وأسمع بآقي الهرج .. صآيب !!

خلك بحآلك وأطلب الرب يهديكـ ..

ولآتنشد اللي غآب .. وين أنت .. غآيب ؟؟

وإن شفتني غآيب عن حدود شآطيكـ ..

إعرف ترآني تحت ذيك النصآيب !!

وإعرف ترآني دآيم إن ضقت بآجيكـ ..

لأني .. أنآ .. والموج .. صرنآ .. حبآيب !!


يآربي أحسني انسجمت بالموضوع
بس جد موضوع روعه وونسني كثير

آسفه ع الاطآله


لآعدمـ يآقمر

البحر يعني لي الكثير
اقرب الناس لي
كاتم اسراري
وسامع اهاتي
ومصغي لالامي
لا ابالغ ان قلت بان السيارة تدل طريقهااا
يعني شبه يوميا لا زم ارح البحر
واوقف السيارة ويمر الوقت من غير ما اشعر

تسلمين كيودة على مواضيعك الممتعه
ويعطيك الف عافية

تسلم يدك دكتور عبدالله على هالاهداء الغالي علي

تسلمين عزيزتي كايدتهم على طرحك المميز،،،
بالنسبه لي أرى ابحر بأنه أشكيله همه اللي أنا حاسه في من ضيق من ألم أحس انه مكان اني القي في كل همومي وأحزانه ،،

يعطيك العافية

سبحان الله ولا حول ولا قوة الا بالله العلي العظيم

البحر عندي
هو الصفاء والنقاء
هو الهجر والترحال
هو الغدر والقسوة
هو الهيجان والثورة
هو الراحة والانسة
هو الحنان والالفة والرقة
هو مكمن الاسرار ومدفن الذكريات
هو الصديق الاول والاخير


ولو مافي بحر في ديرتي
سبحان الله كم احب البحر ...


مع الود والحب
شمس القلوب