يمه احبه ... فديت ابوهـ قبل امه

--------------------------------------------------------------------------------


يمه عليه إن زعل ... وإذا رضى يمه ..
يمه ذبحني غلاه ... وشل وجداني

يمه غرامه طريقي ... ولازم اتمه
شي من الله على غفلة تغشاني

اشهق على ضحكته واشفق على ضمه
واموت منه إن جفى ...وإن جاني احياني

إن كان درب الشقى يمر من يمه ..!!
والله لكمل شقاه " إن الله احياني "

اقول يا ســــيـــدي ... ويقول ياعمــة ...!
كل ذبحه الولـــه في عشـقـة الــثـــاني

اشتاق طعم الغدير اللي وسط فمه
مقدر اخبي عليه ... اكـــتـــب ويقرانـــي

قمت اشتكي للغلا ... واصيــــح واخمه
ياشين بلــــــــوى الهـــــوى ... الله لا يبلاني

يقول لـي بالهوى مذهـب ولـــــــــي ذمـه
واقـول بصـــرك ... ولــكــن لا تـــعـــدانـــي

ابي طريــقــك يصـيـر لوجهــتــــــــــي يمة
ومنين يممت وجهك غصب تلقـــــــانــي

يزمني بالهوى ... زمة ورى زمـــــــة
قطـع وريــدة وخاطـه وسـط شريــــــــــانــي

مبطي اذا خفت صـحـت وقلــت " يايمـــه "
والحين اذا خفت صحـت وقلت " ياحصانــي "

لا واهني من قرب منه ... ومن ــشمـــــــه
ماكن ربي خلقه الا على شــــــــانــــي ...!!

جيته وكـلـي مـن الاشـــــــواق ملتــــــــمـة
امشي من الصبح ليــن ان عشقه امسـانـي

ياحلو لوعة شـقـاه ... ويــا حلـــــــــــــــو سمـه
والله ياهو بالهــوى " من جـد ورانــــــي "

ادمى عيونـــي ... وحنــى يدينــــي بدمــه
وعلى طريـق الولـــه اقـفـــــى وخــلانــــي

يمه احبه ... فديــت ابـوه قــبــــــل امـه ...!
يهزنـــي هـز ريــح ... وزلــزل اركـــــانــي

وش فيه اذا البنت تعشق ... ؟!.. الهوى قمة
خلينـــي اعشـق قبـل مــا تابـس اغـــصانـــي

يهمنـــي حـيــل ... وادري فيـنـي اهـــــــــمـه
حتـى اسألـي روجــي الــوردي ... وفـــستـانــــــي


من بريدي الالكتروني يا رب يعجبكم

ياسلام والله

قصيدة جزله كلماتها معبره

لاهنت يالغالي

بارك الله فيكم
وجزاكم الله خيرا
اشكر لكم مروركم

بارك الله فيكم
وجزاكم الله خيرا
اشكر لكم مروركم

تسلممم خيييييييو

ودائما مروركم يمنح الموضوع عطر خاص وبريق جذاب
بحيث اصبح جزء هام من استكمال الموضوع
اشكركم من كل قلبي علي متابعتكم ودأبكم المستمر
يعطيكم العافية