أخواني .. أخواتي ..

أتمنى من الكل المشاركة في الموضوع ..

لما يحب شاب بنت معينة وصارح أهله أو ربعه بهالحب ..
محد يقدر يعيبه أو يقول له شي ..!!

بس لما البنت تحب شاب معين ..
تنقلب الدنيا .. و تكون خاينه لأهلها ..
و ما تقدر تصارح حد إلا صديقتها المقربه و موب دايما ً ..

سؤالي ينقسم لعدة أقسام ..

الأول ؟؟

هل الحب الشريف في مجتمعنا الشرقي عيب كبير ؟؟!!

الثاني ؟؟

هل من حق الشاب أن يحب و يفصح عن حبه و مو من حق البنت أن تحب و تفصح عن حبها ؟؟!!

الثالث و الأخير ؟؟

هل عاداتنا تسمح للرجل أن يحب
و لا تسمح للمرأة أن تحب ؟؟!!

في انتظار آراءكم ..



.. تحياتي ..
هواجيـــــســ

باقـي من الوقـت لـي عنـدكـ ربـع ساعـه

وأروح وأغيـب عنـك طول الأيـامي

بشـوفك اليـوم بعـد الضحـك ملتاعـه

واليـوم بـروح لـو تبكيـن قدامـي ..

هل الحب الشريف في مجتمعنا الشرقي عيب كبير ؟؟!!

في عادات العرب هو عيييييب من ناحية البنية أكثر من الولد ...


هل من حق الشاب أن يحب و يفصح عن حبه و مو من حق البنت أن تحب و تفصح عن حبها ؟؟!!


الولد يرووم يفصح عن حبه حق ربيعه بس بطبع ما بيقول أنا حبيت بن فلان ومن ناحية انه يفصح حق أمه واايد صعب اما حق أخته إذا كاان وااايد ويها بيقول >> وشاب وهو لي بيختار شريكة حياته ...


أما البنية بتفصح حق أختها الي دوم ويها وربيعتها الروح بالروح ...




هل عاداتنا تسمح للرجل أن يحب
و لا تسمح للمرأة أن تحب ؟؟!!



عاداتنا ما سمحت للولد ان يحب ولا البنية بس المجتمع لو سمع والولد حب عادي بس لا بنت لالا ...


وفي النهايه أقول أحسن حب عقب الزواج


وتسلم يا الشيخ ع الطرح الطيب
الله يعطيك العافية ..
ولا هانك الخالق

^^

الشوق يالمعشـــــــــــــوق ذباح
لو ما ذبحنــــــــــي ما شريتكـــــ
قربكــــ أعيــــــــــش العمر مرتاح
وبعدكـــ يموتنـــــــي فديتـــــــكـــ

الأول ؟؟

هل الحب الشريف في مجتمعنا الشرقي عيب كبير ؟؟!!

طبعا بمفهوم الحب الحالي هو اكبر عيب لان الامور تغيرت واصبح الحب هو لعب ومجون والاذي اللي يجي منه اكثر من الخير سواء للبنت او الشاب الثاني ؟؟

هل من حق الشاب أن يحب و يفصح عن حبه و مو من حق البنت أن تحب و تفصح عن حبها ؟؟!!

لا الشاب ولا البنت لازم يفصحوا عن شي الحب مو معناه ان تفضح اللي تحبه معناه انك تستر حبك لحين تصير حلالك علي سنة الله ورسوله كفاية فضائح اللي نسمعها علي الجولات وعلي النت وفي كل مكان الله يستر علي اولادنا وبناتنا

الثالث و الأخير ؟؟

هل عاداتنا تسمح للرجل أن يحب
و لا تسمح للمرأة أن تحب ؟؟!!
عاداتنا ما تسمح بالامور الفاضية شو تسمح وما تسمح هناك اخلاق وعادات وتقاليد وشرع الله

وما نخرج عنها يالغالي الي يريد وحده او العكس هالشي بيكون في القلب وعند الزواج بيصير الحب وبيصير كل شي

تسلم اخوي عالموضوع

الأول
هل الحب الشريف في مجتمعنا الشرقي عيب كبير ؟؟!!
شريـف وشلـون بيصيـر عيـب ..!
الشريـف يعنـي ان ماتشوبـه اي شائبـه وماشـي علـى طريـق الحـق والصـواب

الثاني ؟؟
هل من حق الشاب أن يحب و يفصح عن حبه و مو من حق البنت أن تحب و تفصح عن حبها ؟؟!!
الاثنيـن مو من حقهـم الافصـاح
لـو جلـس أحدهـم يشهـر وبأعلـى صوت [ انــا أحـب ]
ماصـار حـب
صـار لعـب بـزران وكـلام فاضـي ..

الثالث و الأخير ؟؟
هل عاداتنا تسمح للرجل أن يحب
و لا تسمح للمرأة أن تحب ؟؟!!
عاداتنـا تمنـع الحـب للطرفيـن ( قبـل الزواج طبعـا )
لكـن بعـد الزواج بالعكـس تـلاقي المجتمـع والـي حولـك يبيـك تحـب شريـك حياتـك وتتعلـق فيـه

الحب شعور يأتي بمقدمآت لآنفهمهآ حتى ندرك انه الحب عينهـ

لايوجد شيء يضآهي الح ـب
روٍوٍعة وجمآل في المشآعر والاحآسيس

وللأسف أصبح بهالزمن للح ـب أنوآع واشكآل كثير ..

من وجهة نظري يعتبر حب البنت خيآنهـ ..
إذا تعدى الحدود المطلوبهـ
يكون خيآنهـ إذا وصل لمكآلمات وطلعآت وكل مآيغضب رب العبآد

[ كل مآبني على بآطل هو بآطل ] ..

أمآ بالنسبهـ لمآذا الشآب يستطيع الافصآح عن حبهـ والبنت لأ..

فحيآء البنت وخجلهآ يمنعهآ من الافصآح بحبهآ على عكس الشآب ..

وجهة نظر فقط لآغير ..

.
.

شكرآ لطرحكـ الجميل ’’

أرائكـم علـى عينـي وراسـي

مشكـورين علـى مروركـم

أكتـم أنفـسـاسي

الدكتـور

ريـانـه

البـدر

لاهنتـــوا ..

باقـي من الوقـت لـي عنـدكـ ربـع ساعـه

وأروح وأغيـب عنـك طول الأيـامي

بشـوفك اليـوم بعـد الضحـك ملتاعـه

واليـوم بـروح لـو تبكيـن قدامـي ..