اولا لمن تحبي ان تقولي كلمه اشكرك من كل قلبي هذا السؤال لم اقصد به الاعضاء بل اهلك اصدقائك الى ما لا نهايه ولماذا
مع انها كلمة قليلة ولكن تعبر عن شيء ما
اكيد بحب اقولها لأمي لانه لولاها كان ما بقيت لهون وكان هلأ بعيش في يأس ولانها ساعدتني في تأسيس حياتي ولو بالقليل والقليل مش بخل لا من شان اعتمد ع حالي ...هي كل شي بحياتي وانا من دونها ما بسوى شي
ثانيا قبل ان تضعي راسك على وسادتك هل تحاسبين نفسك
وان كنت كذالك ماذا تساليها
اكيد بحاسب نفسي وكتير بسأل حالي خاصة اذا شفت حدا اقل من وضعي يعني بحط حالي مكانه وبقول يا الله لو انا مكان هالشخص شو كان راح اعمل او شو هو موقفي لما اعيش الحاله اللي هو عايشها
واذا غلطت بسأل حالي ليش ومن شان شو وع شو عملت هيك وفي الاخير بفكر في اني اتأسف اذا كان الموضوع مستاهل
ثالثا
واحد من انت لا اقصد اسمك بل من انت كانسانه
انسانة تحب ان تعتمد على نفسها ما بحب مساعدة الاخرين في اموري الشخصية وما بحب حد يتدخل فيها مرات بكون عصبيه لكن الاكثرية الهدوء والرزانه وما بحب الاشخاص العصبية وانتي راح تعرفي الباقي من حالك
تانيا ماذا تعني لك هذه الحياه
اوقات ولازم نعيشها ولكن بحدود المعقول و عدم اغضاب الله منا
ثالثا ماذا تريدين من هذه الدنيا
لا اريد منها اي شيء لاني في آخرتي مش راح اخد منها شي
رابعا ماذا حققت من امنياتك وماذا تريدين انت تحققي
امنياتي كتيرة والله ويعني لو بقول الك شو حققت منها بقول الك اني حققت منها اشيا قليله كتيييير واولها اني خليت امي وابي يرضو عني وبيكفي هالشي
واللي نفسي احققه انو اخلي امي وابي يروحو الحج وبعدين امور شخصية تانيه نفسي احققها ولكن في الوقت المناسب
خامسا لماذا تعيشين في هذه الحياه بالاحرى هدفك منها
هدفي منها اني اخد شي كويس منها لآخرتي ولدنيتي التانيه
سادسا ماذا تحبي ان تغيري بشخصيتك او امور لا تعجبك بنفسك
نفسي اغير في شخصيتي اني مرات بخجل من اني اقول لحد شي واقعي او اني بخاف اقول هالشي لانه بيجرحه يعني لانو اغلب الناس ما بتتقبل هالشي لكن في الاخير بقوله وبتوقع ع راسي
امور ما بتعجبني في شخصيتي اني بعمل اشيا كتيرة غصب عني لحتى غيري يرضى او بالمعنى الاصح اني بتنازل عن اشيا لحتى الحياة تستمر
رابعا بكلمات بسيطه توجيهيها لابناء شعبك من يتقاتلون من اجل كرسي لعين تكلمي بها لعل احد يسمعنا
يوم القيامة الله سبحانه وتعالى مش راح يسألنا عن شو كان مركزك في الدنيا او في حياتك ومش راح يسأل اديش كان معك فلوس
لكن راح يسألك اذا مسكت المركز شو كنت راح تعمل
وفي الاخير الكرسي مش راح يفيد بشي لانو المسؤولية كتير كبيرة
خامسا هل عشق الوطن ما زال في قلبك وما هو مداه
عشق الوطن يدوم مهما كان وليس له مدى اطلاقا لانه لا يقاس
سادسا ان اعطوك حكم الوطن ماذا ستغيري به
راح اغير كل شي غلط طبعا لو في ايدي يعني راح اغير الحكومة واضع الرجل المناسب في المكان المناسب وهالشي بيكفي وبيصحح امور تانيه
سابعا ما هي نظرتك لهذا العالم
عالم يطبق شريعة الغاب
ثامنا خلجات تمر علينا وكلام وعبارات قاسيه نسمعها من الاحتلال
فماذا ستفعلين لو رايت الاحتلال ولمحتميهم عن قرب يقتلوا الابناء ويدوسون المسجد الاقصى ما انت بفاعله
انا بالنسبة لالي بصراحه شفت اقرب الناس بيستشهد قدامي وما كان في ايدي اعمل شي بالمرة
لحالي ما بقدر اعمل شي والله يا زهرة فلسطين وبقول هالشي عن تجربة عشتها لكن لو اتحدت مع غيري اكيد بعمل يعني في الاتحاد قوة
تاسعا لو اعطيتي المال الكافي ان يعيشك تمانين عاما عيشه الملوك ماذا ستفعلي به
صحيح المال والبنون زينة الحياة لكن والله ما راح يفيدني بشي الا غير اذا عملت صدقات جارية او ساعدت غيري
يعني المال بيعيشني 80 سنة شو بدي في هالسنين بقلصهم وبخليهم 10 سنوات والباقي بعيش غيرهم
لانو مش كل شي في الدنيا المال
عاشرا احب ان اعرف ميزاتك وعيوبك
مميزاتي اني مطيعه هادية ذكية بعض الشيء قنوعة بيكفي والباقي انتي اعرفيه لحالك
اما عيوبي برضى بالواقع وما بحاول اغيره اذا كان الواقع اقوى مني
بخلي ناس تعيش ع حساب حياتي
بعمل اشيا بتخلي الناس تتعلق فيا وهالشي ما بحبه وبيطلع غصب عني كيف ما بعرف والله
اني ممكن اذا لقيت الطريق اللي قدامي مسدود بحاول اكسرو ولكن مرات بتركو وبروح طريق تاني وممكن يكون اصعب يعني بروح الطريق الاصعب
الحادي عشر والاخير ما هي مميزات زهرة فلسطين وعيوبها بكل صراحه
مميزاتك انك طيوبة قنوعه بتعيشي يومك ذكية مزوئة بتعرفي تختاري
نشطية دمك خفيف
اما عيوبك عدم الثقة في نفسك وانو ثقتك في الناس التانيه عمياء وهالشي بيضرك
وبس غير هيك ما عرفت
يعطيكِ الف عافيه يا احلى زهرة على هالاسئلة الرائعه منك
ربي يوفقك اختي
المواضيع المتشابهه
رد: (حنين الماضي) على كــرسـي الإعـــترآف "
RAMADAN KREEM 
العرض العادي
