أبيك تذكرني لي صرت تعبان،،
ترمي لي الحمل الثقيل واضمه..
ابي اكون النوم لاصرت نعسان،،
وحضن الحنان لقلب مشتاق لأمه..
أنا قلبي لك حيــــل ولهان،،
شوق "اليتيم" اللي فقد من يلمه..
معقول ما حسيت
مثلي ولا عانيت معقول
ما فكرت لجلك أنا شسويت
أرخصت لك دمعي أضويت لك شمعي
وإنت ولا حسيت
نسيت أصحابي وأبعدت عن أحبابي
حزني عليك أكبر من همي وعتابي
خليتني بدربك حاير مع حبك
حلفتك بربك ما إشتقت لي وحنيت؟؟
من كثر ماأحبك وصلت لحالة الإدمان!!
إدمان صوتك وشوفك وطاريك..
العفو ماأحبك،،،
أنا فيـــك هيمـــــــــــان!!
يعني:
أحبك..
وأعشقك..
وحيــــل أغليك..
تدري إذا غبت عني شيصير يافلان؟؟
ينشغل بالي وأفكر وأحاتيك...
أحتاجلك لا ضيق الوقت صدري
أبيك تمسح عن عيوني شقاها
وأحتاجلك إذا الفرح ضم فجري
ودي تحس بفرحتي ياهناها
أبيك تسأل عن حياتي وتدري
عن ضحكة أيامي ووافي عناها
أحتاجلك في كل لحظه بعمري
لاصرت روحي كيف أحيا بلاها
عجزت أخفي مشاعر حب،
عجزت أوصف مدى الاعجاب ..
عجز قلبي يفسرلي ..
إحساس الوله فيني ،،
فضحني الشوق .. شوق القلب ،
أشوفه بكل عيون الاحباب ..
شوق يحركه خلي ..
إذا لحظة يخليني ،،
وتسألني عن أخباري ؟!!
كانك مادريت اش صار ..
وكانك مب سبب ناري
وجرحي وهمي والتذكار ..
غدى جرح الزمن جاري
يمر قلبي بكل نهار ..
ويصب جروحه في بحري
ويوقعلي أنا الغدار ..
بحاول أنسى كل الهم وبتناسى بعد الجـراح
بأصبر نفسي عالغربة كثر ما أقـدر اتصبـر
إذا ثلث الطموح عناد وثلثينه صبر وإلحـاح
بأجبر خاطر آمالي واحـاول أكثـر و أكثـر
وإذا بعض الألم باقي ترى بعض الأمل ماراح
وكل ما قلت ما أقدر بأعاندني وأقـول أقـدر

مشكورة اختي ام سطام كتير كلمات صادقة ومن الاحساس

اللهم صلي علي الحبيب

بصراحه خاطرة قويه وبالصميم القلب

اعجبتني كثير

يسلمووا ام سطام

اهم شي الاحساس والمشاعر الصادقة

مشكورين اخواني واخواتي دمتم بفخر

وانتي الصادقة ام سطام

لـِ الشكـآوي المهمـة
نرجـوآ الإرسـآل علـى الإيميـل
{ علمـاً ان الإيميـل يخـص أمـور الموقـع فقــط }
a-tk@hotmail.com

ال فشكر لنقلك اختي ام سطام

ولكي ايضا اختي رنيم للمتابعه الدئوبه