بسم الله الرحمن الرحيم
احبائي اداريين ومشرفين ومنتسبي صوت الامير
اسمحوا لي ان اضع بين ايديكم هذا البوح
ليست بخاطرة وليست بقصيده
ولكنها بوح صادق من قلب تألم لفراق اعز الناس
واشتاق للقياهم
واعذروني ان لم ترقي لمستوى ابداعكم
كما قلت هي خربشة متواضعة

21 من مارس
في مثل هاليوم من كل عام
العالم يحتفل باغلى الناس ويسمونه يوم الام
وانا في هاليوم من كل عام
ادخل يايمه غرفتك
وابوس وامسح على صورتك
واكلم الصوره واقول اليوم يومك
وهذا هدية متواضعة من بنيتك
واقول يايمه
انشاء الله السنه اليايه تكوني يمي
و تشيلين يايمه ضيقي وهمي
وكل عيد ام يمر وانتي بعيده
اقول عسى السنه اليايه تكون يمي قريبه
واقعد اكلم الصوره بالساعات
هديتي لك بهاليوم بالذات مو تقليل يا يمه
من معزتك
لاحشى
اليهال بالمدرسة كلن يجيب لامه هدية بهاليوم
ومنتي باقل منهم يايمه
ولا معزتي لج اقل
انا امس واللي قبله
مع ابوي رسلتك هديتك
مضمونها شوق وله
ومرفوقه بكرت مطبوع عليه
يمه وينك
كنت اتريا رجعتك
وفي كل عيد اقول العيد الجاي ترجع
وبشوفتها افرح
كنتي بعيده صحيح
لكن يشهد الله انك كنتي تعيشي معاي
باحلامي وواقعي
يمه متى ترجعين ..
مشتاقه لحنانك
ولجلستك
خاطري يا يمه اشوفك
وبكل تفاصيل حياتي اعلمك
كنت اتريا رجعتك
وفي كل عيد اقول العيد الجاي ترجع

ومن مات ابوي
زادت لهفتي لشوفتك
وزاد احتياجي لك
متى ترجع ؟؟
سؤال دووم كنت اتمنى القى له اجابة
ومرت ايام وليالي عصبيه علي
وانا انتظر رجعتك
ورجعتي بعد طول انتظار
رجعتي أي نعم رجعتي
رجعتي والدكتور يقول كلها يومين وترحل
المرض بجسمهاا انتشر
رجعتي نعم رجعتي
وعشت معاك ايام قليله بمشاعر متخربطه
مستانسه برجعتك وخايفة بمفارقك
ماكنت اغمض عيني دقيقه
اخاف اغمضها ولا عاد المحك
كنت اقول يالله يارحمن تخليهاا لي
مالي عقبها بالدنيا احد
لا ابو
ولا اخو
ولا اخت
يالله تخليهاا وتطول بعمرهاا
ومرت الايام
وكانت الصدمه قويه
بعد طول انتظار يايمه
فجاة ترحلين
لا يايمه قومي لا ترحلين
يمه ودي ارتاح بصدرك
ودي انام باحضانك
يمه انتي تدرين
انه من رحل ابوي
ماضاقت عيوني المنام
اصحي يايمه
بدري والله بدري
يمه اخذيني معاك
كانك بترحلين
وانا اتم لمن ؟؟
لمن اعيش ؟؟
ولاجل أي اعيش ؟؟

يمه رحتي وتركتيني بروحي
ماقويتي فراق ابوي وتبعتيه
وانا تظنيني ابقوى اعيش الدنيا بعدكم
يمه اخذيني معاك
اشلون اعيش من دونك
لا اخت تمسح دمعتي
ولا اخو يوقف معاي بمحنتي
رحلتوا
ورحلت معاكم كل ايامي وطموحاتي واعيادي
يايمه كل مافيني ينادي
يايمه تكفيين سامحيني

تسلم يدك دكتور عبدالله على هالاهداء الغالي علي

انها الم وما اصعب الم فراقها ولقد حسدت لنا شي من ما تحسين به من الم فرقاك لها

اسأل الله لك الصبر

ولها المغفرة


واشكرك اختي في الله


القناص . خالد

ما اصعب هذه الكلمات
وما اصدقها فعلا

من القلب مباشرة
احسسنا بها وشعرنا بمدي الالم

صبرك الله وقواك وآجرك

اللهم لا راد لقضائك امنت بك
لا اله الا انت سبحانك اني كنت من الظالمين
اخيتي القبول بامر الله والصبر علي الابتلاء جائزته عظيمة باذن الله وانت ان شاء الله من الصابرين المحتسبين
تحياتي لك
د عبدالله

اللهم إجعلني ممن يـتـــركـون أثــآراً طـيـبـه
. . . . فــي قـلـوب الأخرين لا تـمـحى أبــداً

قلب نازف قلبى نزف بعددحروف كلامك
شكرا على الاحساس الرائع

لاحول ولاقوة الا بالله
كلمات قوية لايحس بها الا من جربها

يعطيك العافية اختي ولاعدمناك

كلمات لايقولها الا من احس بها

نزلت دمعتي بمجرد قرائتها فعلا طالعه من القلب

انا عانيت فراق الاب

وانتي فراق الاثنين

اللهم ارحمهم واغفر لهم

والله يصبرك ويجمعك بهم في جناته هذي هي الحياه مرحلة عبوور

سبحان الله وبحمده سبحان الله العظيم

غاليتي :
أوجع قلوبنا الخبر
قبل وجع حروفك
فصبر وبالله المستعان
على فراق أحبة هم الان
بعناية الرحمن
أكثري لهم من الدعاء والصدقه
وكوني البنت الباره التي ريتنقطع هداياها
عنهم وهم بدار الاخرى
تاكدي ان هدياك من الصدقات والدعاء سوف
تصلها باذن الله
وتاكدي بان لك بصوت الامير قلوب تحبك في الله
فدعك دائما قريبه منها كما هي قريبه منك
نعلم بان لن نعوضك مافقدتي ولكن نقول لعل وعسى
نمسح بعضا من الحزن
فليسعدك ربي